இன்றும் முதல் நாள் படப்பிடிப்பு பதட்டமாக இருக்கிறது: அமிதாப் பச்சன்

நடிகர் அஜய் தேவ்கன் இயக்கத்தில் உருவாகும் 'மே டே' படத்தின் முதல் நாள் படப்பிடிப்பில் கலந்து கொண்ட நடிகர் அமிதாப் பச்சன், முதல் சில நாட்கள் தனக்கு என்றுமே பதட்டத்தைத் தருவதாகக் கூறியுள்ளார்.

இது குறித்து இன்ஸ்டாகிராமில் படப்பிடிப்புத் தளத்தில் காரிலிருந்து கீழே இறங்குவது போன்ற புகைப்படத்தை அமிதாப் பகிர்ந்துள்ளார். இதோடு "ஆண்டவா. புதிய திரைப்படங்களின் முதல் சில நாட்கள் படப்பிடிப்பு என்றுமே எனக்குக் கெட்ட கனவைப் போலத்தான். தொடர் பயத்தில், அதிர்ச்சியில் இருக்கிறேன். என்ன நடக்குமோ, நாம் நடிப்பதை ஏற்றுக்கொள்வார்களோ என்று பதறுகிறேன். ஓடி ஒளிய வேண்டும் என்று தோன்றும்" என்று குறிப்பிட்டுள்ளார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்